Кітайскі рабочы: Нам не аддаюць дакументы, каб мы маглі з'ехаць дадому
21- 7.07.2015, 22:25
- 16,552
Ужо другі дзень кітайскія рабочыя прадпрыемства «Сюань Юань» у Добрушы часткова байкатуюць працу.
Нягледзячы на заявы кіраўніцтва кампаніі, што сітуацыя нібыта ўрэгуляваная, пратэст у выглядзе адмовы ад працы прадаўжаецца, паведамляе «Белсат».
Работнік «Сюань Юань»: «Мы хочам дадому. Кітайская кіруючая кампанія не аддае нам дакументаў, каб з'ехаць дадому».
Сам Добруш нагадвае абложаны горад. Прыкметная вялікае прысутнасць міліцыі і аўтазакаў. Вядома таксама, што кіраўнік канцэрна «Беллеспаперапрам» Юры Назараў разам з намеснікам старшыні адміністрацыі Мікалаем Снапковым прыехалі ў горад, каб пазнаёміцца з сітуацыяй непасрэдна на месцы.
Пратэст кітайскіх рабочых пачаўся ў чацвер, калі блізу 300 чалавек пешшу рушылі з Добруша ў Гомель. Будаўнікі, якія займаліся ўзвядзеннем новага корпуса папяровай фабрыкі, запатрабавалі выплаты запазычанасці заробка за 3 месяцы. Пасля перамоваў з кіраўніцтвам прадпрыемства і паслом Кітая будаўнікі вярнуліся ў Добруш, адмовіўшыся ад ідэі ісці маршам у Менск.