У гандлёвым цэнтры «Замак» абрушылася столь
3- 8.07.2015, 9:04
- 33,049
З другога паверха зваліўся будаўнік.
У аўторак а 17.00 ад работнікаў хуткай дапамогі супрацоўнікам МНС стала вядома аб абрушэнні столі ў ГЦ «Замак» на праспекце Пераможцаў. Пра гэта сайту charter97.org паведамілі ў прэс-службе МНС.
Пасля высветлілася, што абрушэння не адбылося. Пры правядзенні работ у адным з тэхналагічных памяшканняў на другім паверсе гандлёвага цэнтра 40-гадовы абліцоўшчык наступіў на праём, закладзены гіпсакардонам. Гіпсакардон праламаўся і мужчына зваліўся на першы паверх у цэнтр гандлёвай залі крамы «Карона-тэхна».
З папярэднім дыягназам «ЧМТ сярэдняй ступені цяжкасці, траўма шыйнага аддзела хрыбетніка» брыгадай хуткай дапамогі ён быў шпіталізаваны.
Нагадаем, у 2013 годзе некалькі аддзелаў ГЦ «Замак» затапіла: з-пад падлогі вырваўся фантан.