Расея зрабіла больш жорсткімі міграцыйныя правілы для ўкраінцаў
2- 1.08.2015, 12:41
- 10,881
Расейская Федэрацыя зрабіла больш жорсткімі міграцыйныя правілы для грамадзян Украіны.
Аб гэтым паведамляецца на сайце Федэральнай міграцыйнай службы Расеі.
Міністэрства падоўжыла тэрмін прэферэнцый для ўкраінцаў, якія прыбылі ў Расею з Данбаса. "Астатнім грамадзянам Украіны прадстаўляем магчымасць без выезду з тэрыторыі Расейскай Федэрацыі знаходзіцца яшчэ 90 сутак і бесперашкодна атрымліваць дазвольныя дакументы на працу, як і для ўсіх грамадзян краін-удзельніц СНД, з якімі ўстаноўлены бязвізавыя стасункі", - гаворыцца ў паведамленні Федэральнай міграцыйнай службы РФ.
У сваю чаргу, кіраўнік Федэральнай міграцыйнай службы Расеі Канстанцін Рамаданаўскі на прэс-канферэнцыі паведаміў, што грамадзянам Украіны з 1 лістапада можа быць закрыты ўезд у РФ на тры гады ў выпадку неатрымання дазваленчых дакументаў, выключэнні застануцца толькі для жыхароў "паўднёва-ўсходніх рэгіёнаў Данецкай і Луганскай абласцей Украіны", піша УНИАН.
"Мы ніколі не казалі, што скароцім тэрмін прэферэнцый (паводле ўмоў знаходжання ў РФ) для грамадзян, якія вымушана пакінулі пэўныя праблемныя тэрыторыі - паўднёва-ўсходнія рэгіёны Данецкай і Луганскай абласцей Украіны. Для гэтай катэгорыі прэферэнцыі будуць захаваныя", - сказаў Рамаданаўскі.