На мяжы Беларусі і Літвы - значныя чэргі
4- 1.08.2015, 15:44
- 9,539
Да сярэдзіны дня 1 жніўня склалася напружаная абстаноўка ў міжнародных аўтадарожных пунктах пропуску праз мяжу на беларуска-літоўскім кірунку.
Пра гэта сайту charter97.org паведамілі ў Дзяржаўным памежным камітэце.
Найбольш складаная сітуацыя, як адзначаюць у памежным камітэце, у пунктах пропуску, найбліжэйшых да Вільні. Так, у «Каменным Лозе» сабралася блізу 450 грузавікоў і амаль 100 легкавых аўтамашын, у «Катлоўцы» - 120 і 50 адпаведна. Чакаецца павелічэнне чаргі на выезд з краіны і ў пункце пропуску «Беняконі».
У сувязі з вялікай транспартнай плынню, якая перавышае прапускную здольнасць пунктаў пропуску ў адзінку часу, Дзяржаўны памежны камітэт рэкамендуе кіроўцам планаваць і выбіраць маршруты руху з улікам аператыўных звестак, якія размяшчаюцца на афіцыйным партале ведамства кожныя дзве гадзіны.
Службы памежнага кантролю арыентаваныя на максімальна аператыўнае афармленне грамадзян, якія перасякаюць мяжу, запэўнілі ў памежным камітэце.