Масква размяшчае часткі ВПС на мяжы з Беларуссю ды Украінай
1- 10.08.2015, 14:49
- 7,965
Расея, якая ўжо другі год праводзіць «вайсковыя вучэнні» на мяжы з Украінай, цяпер стварае на мяжы пункты сталай дыслакацыі.
Міністэрства абароны РФ паведамляе аб фармаванні аб'яднанняў ВПС і СПА на захадзе краіны.
"У склад аб'яднанняў увайшлі злучэнні і воінскія часці 1-га камандавання ВПС і СПА Заходняй вайсковай акругі, дыслакаваныя на тэрыторыі 28 суб'ектаў РФ Паўночна-Заходняга і Цэнтральнага Федэральных акругаў (знаходзіцца на мяжы з Беларуссю ды Украінай). Сярод іх злучэнні знішчальнай, бамбавальнай, вайскова-транспартнай і вайсковай авіяцыі, а таксама злучэнні радыётэхнічных і зенітна-ракетных войскаў", - сказана ў паведамленні.
У Мінабароны Расеі таксама распавялі, якая тэхніка ўвайшла ў склад ВПС і УПА.
Сярод іншага, на ўзбраенні авіяцыйныя комплексы Су-34, Су-35С, Су-30см, верталёты Ка-52, Мі-28Н, Мі-35, Мі-8МТВ5, зенітныя ракетныя сістэмы С-300, С-400, Панцыр-С.