Пад Асіповічамі сутыкнуліся 30 аўтамабіляў
- 2.08.2015, 14:42
- 5,110
Аварыі з удзелам трох дзесяткаў аўтамабіляў адбыліся раніцай 2 жніўня ў Асіповіцкім раёне праз задымленне ад ляснога пажару і туману.
А 07:00 ад дзяжурнага па РАУС выратавальнікам Асіповіцкага падраздзялення МНС паступіла інфармацыя пра тое, што на 117-м кіламетры аўтадарогі Менск - Гомель каля вёскі Ясень адбылося ДТЗ з пацярпелым. Высветлена, што грузавы аўтамабіль «Фальксваген» сутыкнуўся з грузавіком «Івека». Кіроўца «Фальксвагена» апынуўся заблакаваным - ён знаходзіўся ў аўтамабілі адзін. З дапамогай гідраўлічнай аварыйна-выратавальнай прылады мужчына быў дэблакаваны ратавальнікамі. З траўмамі рознай ступені цяжкасці ён шпіталізаваны ў бальніцу, піша БелаПАН.
Усяго на ўчастку дарогі працягласцю блізу чатырох кіламетраў, размешчаным у нізіне ў раёне пасёлка Татарка, сёння раніцай праз пагаршэнне бачнасці, выкліканага задымленнем ад ляснога пажару і туманам, адбыліся ДТЗ з удзелам больш за тры дзесяткі аўтамабіляў. Зараз задымлення на дарозе няма, пажар ліквідуюць работнікі Міністэрства лясной гаспадаркі - усяго 50 чалавек.