Вайсковыя караблі Расеі заўважаныя ля межаў Латвіі
2- 2.08.2015, 17:41
- 8,980
Мінабароны Латвіі паведаміла аб выяўленні двух караблёў ВМФ Расеі недалёка ад сваёй мяжы.
Гаворка ідзе пра судны «Віктар Канецкі» і «Аляксандр Абухоў», паведамляе РБК.
Latvijas ekskl. ekonom. zonā 5j.j. no terit. jūras bruņotie spēki identificēja Krievijas BS velkoni, kurš velk mīnu kuģi Aleksandr Obuhnov.
— NBS (@Latvijas_armija) 2 августа 2015«Узброеныя сілы 2 жніўня зафіксавалі на адлегласці 5 марскіх міль ад тэрытарыяльных вод Латвіі судна «Віктар Канецкі», якое цягнула на буксіры мінны загараджальнік «Аляксандр Абухоў» ВМФ Расеі», - гаворыцца ў Twitter латвійскага вайсковага міністэрства.
Латвія неаднаразова паведамляла пра выяўленне расейскіх вайсковых самалётаў і суднаў ля межаў краіны. Прынамсі, у канцы ліпеня ўзброеныя сілы Латвіі паведамілі пра тое, што заўважылі расейскія вайсковыя самалёты і адзін карабель непадалёк ад межаў краіны.
Два расейскіх самалёты Ан-124 і адзін Ил-76 былі зафіксаваныя патрульнымі самалётамі над нейтральнымі водамі Балтыйскага мора. Акрамя таго, карабель «Меркурый» быў заўважаны ў выключнай эканамічнай зоне.
3 тращня ўзброеныя сілы Латвіі зафіксавалі ў пяці мілях ад тэрытарыяльных вод краіны эскадру расейскіх вайсковых караблёў, у склад якой уваходзіць падводная лодка. У памежнай зоне вайскоўцы таксама зафіксавалі палёт расейскага вайскова-транспартнага самалёта Ан-22.
