Паўднёвая Карэя паведаміла пра ўзмацненне вайсковай актыўнасці КНДР

КНДР падвоіла артылерыйскія сілы на мяжы паміж дзвюма краінамі. Свае базы пакінулі 50 паўночнакарэйскіх падводных лодак.

Аб актыўнасці паўночнакарэйскіх вайскоўцаў сіл насуперак перамовам паміж Сеўлам і Пхеньянам, што праводзяцца ў дэмілітарызаванай зоне, паведамляе агенцтва Yonhap са спасылкай на прадстаўнікоў вайсковай ўстановы Паўднёвай Карэі. Паводле звестак Сеула, 50 падводных лодак КНДР (што складае 70% паўночнакарэйскага падводнага флоту) пакінулі свае базы, і цяпер іх месцазнаходжанне не вядомае, піша РБК.

У дэмілітарызаванай зоне на мяжы КНДР і Паўднёвай Карэі 23 жніўня а 15:00 паводле мясцовага часу (09:00 паводле Менску) аднавіліся перамовы ва ўрэгуляванні крызісу. Сустрэча пачалася ўвечары 22 жніўня і працягвалася ўсю ноч, аднак канчатковага пагаднення бакі пакуль не дасягнулі. Як паведаміў паўднёвакарэйскі бок, перамовы пачаліся паводле ініцыятывы ўладаў КНДР.

21 жніўня лідар КНДР Кім Чэн Ын прывёў у поўную баявую гатоўнасць войскі на мяжы з Паўднёвай Карэяй. Кіраўнік Паўночнай Карэі склікаў экстраннае пасяджэнне Цэнтральнага вайсковага камітэта з мэтай падрыхтаваць прыфрантавыя вайсковыя падраздзяленні да правядзення вайсковых аперацый. Напярэдадні ў раёне дэмілітарызаванай зоны КНДР адкрыла артылерыйскі агонь па Паўднёвай Карэі.

Нагодай для самога сур'ёзнага за апошнія некалькі гадоў абвастрэння сталі буйнамаштабныя вайсковыя вучэнні ЗША і Паўднёвай Карэі ў якасці адказу на нядаўні інцыдэнт з падрывам траіх салдат Сеула на мінах, якія былі ўстаноўленыя КНДР на дэмілітарызаваную зоне. Аднак у Пхеньяне іх назвалі "ледзь не аб'явай вайны". Пасля рэзкага абвастрэння сітуацыі абодва бакі загадалі прывесці войскі ў поўную баявую гатоўнасць.