БАТЭ - пятым разам у групавым турніры Лігі чэмпіёнаў
27- 27.08.2015, 0:00
- 36,798
БАТЭ саступіў «Партызану» (2:1), але выйшаў у групавы турнір Лігі чэмпіёнаў.
26 жніўня ў Бялградзе ў матчы ў адказ плэй-оф кваліфікацыі гэтага турніру беларуская каманда саступіла мясцоваму «Партызану» з лікам 1:2 (Стасевіч, 25 - Жаўнерчык, 74, у свае брамы, Шапоніч, 90 + 3). Першая сустрэча спаборнікаў 18 жніўня ў Барысаве завяршылася перамогай БАТЭ - 1:0. Каманда Аляксандра Ярмаковіча пераадолела апошні адборачны круг дзякуючы голу на чужым полі.
Склады каманд
«Партызан»: Ж. Жыўковіч - Вулічэвіч, Балажыц, Фабрысіа, Н. Пятровіч - Брашанац, Бабовіч (к) - А. Жыўковіч, Лукіч, Умару - Бажынаў.
Запасныя: Кляіч, Бандалоўскі, Чыркавіч, Іліч, Касовіч, Труіч, Шапоньіч.
БАТЭ: Чэрнік - Жаўнерчык, Палякоў, Мілуновіч, Младзеновіч - Алексіевіч, А. Валадзько, А. Глеб - Стасевіч, Радзівонаў, Гардзяйчук.
Запасныя: Сарока, Дуброў, Карніцкі, Рыас, Аляхновіч, Бага, Сігневіч.
БАТЭ гуляў у асноўным раўндзе Лігі чэмпіёнаў у 2008, 2011, 2012 і 2014 гадах. У цяперашняй кваліфікацыі беларускі клуб выйграў у ірландскага «Дандолка» (2:1 дома, 0:0 у гасцях), вугорскага «Відэатона» (1:1 у гасцях, 1:0 дома) і «Партызана».
Лёсаванне групавога раўнда спаборніцтваў пройдзе 27 жніўня.
Напярэдадні сённяшняй сустрэчы букмекерскія канторы ўважалі гаспадароў за фаварытаў паядынку, аднак гасцям аддавалі перавагу ў двухматчавым супрацьстаянні (першы матч: 0:1). Каэфіцыенты выстаўляліся наступныя:
Букмекерская кантора «Алімп»: перамога «Партызана» - 2.00, нічыя - 3.25, перамога БАТЭ - 4.0. Праход гаспадароў у групавы раўнд - 2.70, праход гасцей - 1.40.
БК «Марафон»: перамога «Партызана» - 2.05, нічыя - 3.45, вікторыя БАТЭ - 4.05. Праход гаспадароў у групавы раўнд - 2.57, праход гасцей - 1.53.
БК «Bwin»: перамога «Партызана» - 2.10, нічыя - 3.40, перамога БАТЭ - 3.75. Праход гаспадароў у групавы раўнд - 2.80, праход гасцей - 1.40.