Налепкі «Байкот» з'яўляюцца ў Берасці кожны дзень

Жыхароў горада над Бугам заклікаюць не браць удзел у выбарчым фарсе.

Налепкі з заклікам да байкоту «прэзідэнцкіх выбараў» з'яўляюцца ў Берасці штодня, нягледзячы на тое, што работнікі камунальных службаў зрываюць іх. Пра гэта сайту charter97.org паведамляюць чытачы.

Учора налепкі былі распаўсюджаныя на прыпынках грамадскага транспарту і тумбах для абвестак у цэнтры горада і спальных раёнах.