«Лукойл» можа падаць у суд на «Раснафту»
3- 27.08.2015, 10:40
- 9,046
Прэс-сакратар «Раснафты» Міхаіл Лявонцьеў дапусціў абразлівыя заявы ў адрас «Лукойла».
Кампанія «Лукойл» пакідае за сабой права звярнуцца ў судовыя інстанцыі з позвай аб абароне дзелавой рэпутацыі да прэс-сакратара «Раснафты» Міхаіла Лявонцьева, гаворыцца ў паведамленні «Лукойла».
На думку прадстаўнікоў кампаніі, Лявонцьеў дапусціў абразлівыя заявы ў адрас Лукойла ў сувязі са спрэчнай сітуацыяй па ліцэнзіі на Усходне-Таймырскі ўчастак, піша liga.net.
«Распаўсюджаныя паведамленні носяць абразлівы паводле формы і беспрадметны паводле зместу характар. Лукойл выказвае надзею, што гэты набор супярэчлівых тэзісаў, агучаных службовай асобай Раснафты, не з'яўляецца афіцыйным пунктам гледжання нашага партнёра, з якім мы часта паспяхова развязваем комплексныя задачы, якія стаяць сёння перад айчынным ТЭК», - адзначаецца ў паведамленні.
Раней прэс-сакратар «Раснафты» Міхаіл Лявонцьеў абвінаваціў «Лукойл» у правядзенні заказной кампаніі ў дачыненні да спрэчкі па Усходне-Таймырскаму ўчастку.