За дзень баевікі ў Данбасе 90 разоў парушылі рэжым спынення агню

Груба парушаючы менскія дамоўленасці, акупанты размясцілі рэактыўную артылерыю ў раёне лініі баявога сутыкнення.

Учора ўвечары сітуацыя на ўсходзе Украіны істотна абвастрылася: незаконныя ўзброеныя фармаванні, парушаючы дамоўленасці, ужывалі рэактыўную артылерыю, а таксама ўзбраенне калібра больш за 100 міліметраў практычна ўздоўж усёй лініі размежавання. Пра гэта паведамляе прэс-цэнтр АТА.

«Найбольшая актыўнасць ворага была зафіксаваная паблізу Марыупаля. У канцы дня з 120-мм мінамётаў баевікі абстралялі нашы пазіцыі ў Старагнатаўцы, Навасёлаўцы Другой, двойчы ў Чэрмалыке. А 18 гадзіне, выкарыстоўваючы 152-мм артылерыю, найміты з боку Стараласпы білі па сілах АТА ў Прохараўцы», - распавялі ў штабе аперацыі.

Акрамя таго, пасля 22 гадзіны вечара пад агонь 152-мм артылерыі патрапілі падраздзяленні сіл АТА ў пасёлках Арлоўскае, Лебядзінскі, Старагнатаўка. А 21:05 акупанты з Градаў накрывалі ўкраінскія пазіцыі ў Багданаўцы, піша liga.net.

«Чарговы абстрэл сіл АТА з БМ-21 Град сведчыць аб прысутнасці рэактыўнай артылерыі спаборніка ў раёне лініі баявога сутыкнення, што груба парушае менскія пагадненні і дэманструе беспрынцыповасць злачынцаў», - гаворыцца ў паведамленні.

У раёне Данецка сітуацыя таксама абвастрылася: у канцы учорашніх сутак пазіцыі сіл АТА ў Мар’інцы некалькі разоў былі абстраляныя баявікамі з 120-мм мінамётаў, узбраення БМП, буйнакаліберных кулямётаў. А 21:30 па падраздзяленнях украінскіх вайскоўцаў у гэтым населеным пункце вёўся агонь з 152-мм артылерыі.

«На Арцёмаўскім напрамку а 19:30 акупанты вялі агонь з танка па Траецкім. А блізу 21 гадзіны з мінамётаў калібра 120 мм, узбраення БМП абстралялі ўкраінскія пазіцыі ў пасёлку Зайцава», - дадалі ў штабе АТА.

Усяго цягам мінулых сутак акупанты 90 разоў парушылі рэжым спынення агню: 14 раз ўжывалі артылерыю, 31 - мінамёты, 5 - танкі, адзін раз выкарыстоўвалі рэактыўныя сістэмы залпавага агню.

27 жнівень з паўночы і да 6 раніцы баевікі працягвалі агонь з артылерыі па пасёлкаў Багданаўка і Старагнатаўка паблізу Марыупаля.