На фондавым рынку Кітая аднавіўся рост
- 27.08.2015, 12:25
- 50,624
Кітайскі фондавы рынак вярнуўся да росту пасля працяглага спаду.
Індэкс Shanghai Composite пасля пяцідзённага падзення ў чацвер узняўся на 0,6%, перадае расейская служба BBC.
Іншыя азіяцкія фондавыя індэксы таксама паказалі рост. На адкрыцці таргоў японскі Nikkei 225 вырас на 1,1%, ганконскі Hang Seng на 2,5%, паўднёвакарэйскі KOSPI - на 0,7%, аўстралійскі S&P/ASX 200 - на 1,2%.
У панядзелак індэкс Шанхайскай біржы страціў 8,5%, што прычынілася да падзення фондавых рынкаў ва ўсім свеце - найгоршага за апошнія восем гадоў.
На наступны дзень Цэнтральны банк Кітая ўліў у фінансавую сістэму краіны 150 млрд юаняў (22,4 млрд даляраў), спрабуючы палепшыць сітуацыю на фондавым рынку краіны.