Польшча чакае росту колькасці бежанцаў з Украіны праз вайну
- 27.08.2015, 14:37
- 35,132
Прэзідэнт Польшчы чакае павелічэння колькасці бежанцаў з Украіны ў сувязі з працягам канфлікту на Данбасе.
Пра гэта Анджэй Дуда паведаміў у інтэрв'ю нямецкай газеце Bild, піша "Европейская правда".
Паводле ягоных слоў, Польшча імкнецца праяўляць салідарнасць з ЕЗ у пытанні мігрантаў, аднак праз канфлікт ва Украіне праблема шукальнікаў прытулку становіцца яшчэ больш вострай.
"Пакуль ідуць баявыя дзеянні, тысячы ўкраінцаў будуць працягваць уцякаць з краіны, пераважна ў Венгрыю і Польшчу. Мы найбліжэйшыя суседзі ўкраінцаў, таму тут яны могуць адчуваць сябе ў бяспецы", - сказаў прэзідэнт.
Ён дадаў, што пры павелічэнні напружанасці ў канфлікце ў Польшчу прыбудзе яшчэ больш бежанцаў.
"Ужо ёсць сведчанні таго, што некалькі сотняў тысяч украінцаў хочуць з'ехаць у Польшчу", - адзначыў Дуда.
Раней у МЗС Польшчы паведамлялі, што масавы дазвол прытулку ўкраінцам магло б мець драматычныя наступствы.