На сайце КПРФ да дэпутата на фота прымалявалі людзей

Справаздача аб сустрэчы дэпутата Дзярждумы ад КПРФ Сяргея Абухова з жыхарамі Краснадара была праілюстраваная фотаздымкамі, да якіх прымалявалі дадатковых выбаршчыкаў.

Выданне "Медуза" звярнула ўвагу, што "на фотаздымках з сустрэчы, апублікаваных на сайце КПРФ, нешта не так". Сам Абухоў патлумачыў выданню Slon, што на сайце былі "калажы, а не фатаздымкі".

Неўзабаве здымкі былі прыбраныя з справаздачы, і замест іх на сайце з'явіліся фатаздымкі з мерапрыемства, на якіх відаць, што на сустрэчу з дэпутатам прыйшло значна менш людзей, паведамляе руская служба BBC.

Пры гэтым у тэксце справаздачы з'явілася імя аўтара калажаў і час апошняга абнаўлення старонкі.

У той жа час фатаздымкі захаваліся на старонцы Абухова ў сацыяльнай сетцы "ВКонтакте".

Сустрэча дэпутата з выбаршчыкамі адбылася 26 жніўня. Як гаворыцца ў паведамленні на сайце, на ёй абмяркоўваліся пытанні развіцця сацыяльнай інфраструктуры, узносаў за капрамонт і праблемы ЖКГ.