Шапіра патрабуе ліквідаваць чэргі ў паліклініках

Старшыня Менаблвыканкама Сямён Шапіра даручыў прыняць усе захады для ліквідацыі чэргаў у паліклініках.

Пра гэта чыноўнік паведаміў на паседжанні паводле вынікаў сацыяльна-эканамічнага развіцця вобласці за першае паўгоддзе, піша БелТА.

Сямён Шапіра адзначыў, што чэргі ў паліклініках недапушчальныя, а таксама даручыў стварыць камісію, якая праверыць, як змагаюцца з гэтай праблемай установы аховы здароўя вобласці. Паводле слоў губернатара, чарга да ўрача не павінна складацца больш чым з пяці-шасці чалавек.