Менгарвыканкам спрабуе пазбавіцца ад неліквідаў

29 жніўня ў менскіх гандлёвых цэнтрах праходзіць акцыя «Адзіны дзень зніжак».

Пра гэта гаворыцца ў паведамленні Галоўнай управы спажывецкага рынку Менгарвыканкама.

«З мэтай уключэння ў таварнае абарачэнне складскіх запасаў гатовай прадукцыі прамысловасці ў гандлёвых цэнтрах горада Мінска 29 жніўня 2015 года праводзіцца акцыя Адзіны дзень зніжак!» - гаворыцца ў паведамленні.

У рамках акцыі ГД «На Нямізе» прапануе збаўкі 20% на ўсе нехарчовыя тавары; «Беларусь» - зніжкі 20% на ўсе нехарчовыя тавары; «ГУМ» - збаўкі 20% - на адзенне і трыкатажныя вырабы; ЦУМ - зніжкі ад 15 да 30% на асобныя групы тавараў; "Кірмаш" - збаўкі 15% на ўсе нехарчовыя тавары.