29 сакавiка 2024, Пятніца, 18:03
Падтрымайце
сайт
Сім сім,
Хартыя 97!
Рубрыкі

Аркадзь Бабчанка: Я таксама хачу, каб Лаліта, замест мікрафона, спявала ў скручаную бяросту

42
Аркадзь Бабчанка: Я таксама хачу, каб Лаліта, замест мікрафона, спявала ў скручаную бяросту
Аркадзь Бабчанка

Расейскі вайсковы рэпарцёр заклікаў Уладзіміра Пуціна не здавацца.

Пра гэта Аркадзь Бабчанка напісаў на сваёй старонцы ў сацыяльнай сетцы «Фэйсбук».

Паведамленне журналіста пачынаецца з цытаты з інтэрв'ю спявачкі Лаліты парталу «Super.ru»: «Адразу магу сказаць, што я сапраўды стала больш шчаслівай, калі пачула зварот ураду і заяву з нагоды абмежавання ўвозу прадуктаў з-за мяжы. Я і ўсе мае сябры, шчыра кажучы, ужо даўно палюем на нашыя айчынныя прадукты.

Я радая, што гэта здарылася. Адзінае, у мяне вялікая просьба да Пуціна - не здавацца і пратрымацца гэты год, як бы потым ні прасілі прыняць назад якую-небудзь хімію. Хочацца хаця б год пражыць ва ўмовах больш чыстага спажывецкага рынку, пакуль не адновяць імпарт. Таму я выключна «за», бо я не прыхільніца хіміі. Мяне радуе, што нашыя вытворцы падымуць галаву. Іх не пускалі на рынак, а цяпер будзе менш пітушчых і больш працоўных людзей на палетках.

Хай Абама есць прадукцыю Еўразвязу, а мы будзем сваё натуральнае з пахам.

Я вельмі хачу, каб мы ўсё астатняе жыццё жылі на айчынных прадуктах».

Аркадзь Бабчанка адказвае на заяву спявачкі.

«Я таксама вельмі хачу, каб Лаліта ўсё астатняе жыццё жыла на айчынных прадуктах, - піша ён. - Каб яна выкінула ўсе свае мікрафоны, мікшары, рэжысёрскія пульты, рытм-машыны, бубны, бас-гітары, сінтэзатары, шнуры, штэкеры, ды іншыя «ямахі», «гібсаны», і «фэндэр-стратакастэры». Каб яна спаліла студыі гуказапісу, дзе яна запісвае свае вялікадухоўные песні на праклятыя кампакт-дыскі праклятымі лазерамі. А самі свае дыскі расціснула бульдозерам. А фінскую паліграфію на вокладках сваіх альбомаў знішчыла кіслатой. А праграмнае забеспячэнне раструшчыла кадзілам Чапліна. І каб манаўскія і мерсэдэсаўскія фуры, якія перавозяць абсталяванне для канцэртаў, скінула ў прорву. Ларэалеўскі макіяж скарміць свінням. А турэцкія лямпачкі ў японскіх асвятляльных прыладах - Стасу Барэцкаму.

Я шчыра, ад усяго сэрца, абсалютна з імі з усімі згодны.

Я таксама хачу, каб Лаліта, Віка, Стас, Грыгорый, Алена, Іосіф ды іншыя заслужаныя дзеячы спеваў ротам - пралі гаспадарчым мылам, ездзілі на «Жыгулях», дэкарацыі перавозілі на калёсах, на канцэрт у «ДК Чыгуначнікаў» Ялты лёталі на «Тую -134», замест мікрафона спявалі ў скручаную рупарам бяросту, і скакалі пад айчынныя лыжкі, бубны і гармонікі. У беларускіх галёшах.

Мяне радуе, што нашы вытворцы музычных інструментаў падымуць галаву. Іх не пускалі на рынак, а цяпер будуць менш піць і больш працаваць.

Я, шчыра, горача, ад усяго сэрца жадаю, каб яны ўсё астатняе жыццё жылі на айчынных прадуктах. Цалкам падтрымліваю ўсе іх пачынанні. Пуцін, не здавайся».

Напісаць каментар 42

Таксама сачыце за акаўнтамі Charter97.org у сацыяльных сетках