У гарах Каўказа разбіўся яшчэ адзін вядомы беларускі альпініст

Альпініст сарваўся падчас узыходжання на вышыні 4300 метраў.

Не прайшло і двух дзён з моманту загубы 64-гадовага альпініста Уладзіміра Сіроціна, як з гор Каўказа прыйшла яшчэ адная трагічная навіна - сёння пры ўзыходжанні на гару Ушба ў Грузіі загінуў Міхаіл Мельнікаў, піша onliner.by.

Як паведамляюць грузінскія СМІ, альпініст сарваўся падчас узыходжання на вышыні 4300 метраў. Яго напарнік, таксама грамадзянін Беларусі, паспрабаваў падхапіць Міхаіла, але не змог гэтага зрабіць. Пры падзенні беларускі альпініст атрымаў смяротныя траўмы.

У МЗС Беларусі пацвердзілі факт смерці беларускага альпініста пры ўзыходжанні на гару Ушба ў Грузіі, паведамляе карэспандэнт БелТА.

Тое, што здарылася пракаментаваў старшыня Беларускай федэрацыі альпінізму.

- Міхаіл Мельнікаў - чалец прэзідыума федэрацыі, чалец выратавальнага атрада, майстар спорту міжнароднага класа і інструктар у альпінізме. Вялікі чалавек, які першым з беларусаў падняўся на адзін з самых небяспечных пікаў - Нанга Парбат. Пасля ўзыходжання на Эверэст яго ў складзе каманды прымаў кіраўнік дзяржавы, - распавёў старшыня БФА Аляксандр Гадлеўскі. - Гэта велізарнае няшчасце для спорту і сем'яў альпіністаў, для вялікіх і маленькіх спартоўцаў, якія ходзяць у горы.

Гэта была ніякая не асабістая паездка і не турызм. Гэта спорт. Міша ішоў у двойцы. Наколькі я разумею, спартоўцы падстрахоўвалі адзін аднаго. Мог вылецець крук, мог не паспець арганізаваць прамежкавую страхоўку - маглі быць розныя абставіны. Зразумейце, гэта спартовае ўзыходжанне вышэйшай катэгорыі складанасці...

І Сіроцін, і Мельнікаў усё жыццё займаліся альпінізмам. Абодва выпадкі - афіцыйныя альпінісцкія мерапрыемствы, сур'ёзныя ўзыходжанні. Але абодва скончыліся велізарнай бядой.