Падаходны падатак для тых, хто «жыве не адпаведна сродкам», хочуць падвысіць да 16%

З 2016 года павысяцца некаторыя падаткі і з'явяцца новыя тыпы адлічэнняў.

На сайце Міністэрства фінансаў змешчаны законапраект «Аб унясенні дадаткаў і змен у Падатковы кодэкс Рэспублікі Беларусь».

Дакумент змяшчае прапанову аб увядзенні стаўкі падаходнага падатку 16% для платнікаў, у якіх праверкі падатковых органаў выявілі перавышэнне выдаткаў над даходам, а таксама для прадпрымальнікаў, натарыюсаў і адвакатаў ад выканання прадпрымальніцкай (натарыяльнай, індывідуальна адвакацкай) дзейнасці. Акрамя таго, плануецца павялічыць стаўку збору за рамесную дзейнасць з адной да чатырох базавых адзінак за год.

«Стаўка падаходнага падатку з фізічных асоб устанаўляецца 16 адсоткаў у дачыненні да даходаў:

- што атрымліваюць беларускія індывідуальныя прадпрымальнікі (натарыюсы, адвакаты) ад ажыццяўлення прадпрымальніцкай (натарыяльнай, індывідуальнай адвакацкай) дзейнасці;

- вылічаных падатковым органам грунтуючыся на сумах перавышэння выдаткаў над даходам у адпаведнасці з заканадаўствам», - гаворыцца ў дакуменце.

Акрамя гэтага, асобы, якія здаюць у арэнду жыллё, месцы на паркоўках або нежылыя памяшканні без укладання пагадненняў, павінны будуць выплачваць пяціразова павялічаную стаўку падаходнага падатку.

«У выпадках атрымання платнікам у падатковым перыядзе даходу ад здачы жылых і (або) не без укладання пагадненняў, машына-месцаў без выплаты падаходнага падатку з фізічных асоб і без укладання і (або) рэгістрацыі пагадненняў арэнды (субарэнды), найму (паднайму) жылых і (або) нежылых памяшканняў, машына-месцаў такія даходы падлягаюць падаткаабкладанню падаходным падаткам з фізічных асоб стаўкай, памер якой вызначаецца ў адпаведнасці з пунктам 2 артыкула 173 гэтага Кодэкса, з ужываннем каэфіцыента 5», - вынікае з законапраекта.

Аўтары дакументы грунтаваліся на дэфлятары 13% да ставак або гранічных узроўняў, якія вызначаюцца штогод у цвёрдых сумах рублях.

У тым жа праекце прапануецца абкладаць падаходным падаткам азартных грамадзян.

Так, арт.173 Асобнай часткі кодэкса плануюць дапоўніць пунктам пяць аб тым, што стаўка падаходнага падатку з фізічных асоб устанаўляецца 4% у дачыненні да даходаў у выглядзе здабыткаў (вернутых незгуляных ставак), атрыманых фізічнымі асобамі ад арганізацый, якія ажыццяўляюць дзейнасць у сфэры гульнёвага бізнэсу.