На плошчы Перамогі ў Менску зменяць арганізацыю руху

Змены закранулі крайнюю левую паласу.

У мэтах выключэння шматлікіх выпадкаў перастраення транспартных сродкаў і зніжэння колькасці аварыйных сітуацый менскай Дзяржаўтаінспекцыяй прынятая пастанова аб змене арганізацыі дарожнага руху на плошчы Перамогі, паведамляе БелаПАН.

Як паведамляе ўпраўленне ДАІ ГУУС Менгарвыканкама, змены закранулі крайнюю левую паласу. Цяпер няма патрэбы здзяйсняць манеўр перастраення ў суседнюю паласу для таго, каб працягнуць свой рух прама, у выпадках, калі транспартныя сродкі рухаюцца з боку вуліцы Казлова ў напрамку вуліцы Янкі Купалы па крайняй левай паласе.

Новая схема руху размешчаная на сайце УДАІ ГУУС Менгарвыканкама.