29 сакавiка 2024, Пятніца, 16:45
Падтрымайце
сайт
Сім сім,
Хартыя 97!
Рубрыкі

На саміце АСЕАН абмяркуюць стварэнне трыбунала аб «Боінгу»

На саміце АСЕАН абмяркуюць стварэнне трыбунала аб «Боінгу»

ЗША паспрабуюць пераканаць удзельнікаў саміту АСЕАН падтрымаць ідэю трыбунала аб MH17.

Пра гэта паведамляе расейскае выданне «Известия» са спасылкай на ўласныя крыніцы.

Адной з асноўных тэм міністэрскіх сустрэч АСЕАН і ўсходнеазіяцкага саміту стане пытанне наконт трыбунала аб катастрофе малайзійскага «Боінга-777» над тэрыторыяй Украіны.

Паводле інфармацыі выдання, у Куала-Лумпуры ЗША паспрабуюць пераканаць удзельнікаў саміту АСЕАН падтрымаць ідэю трыбунала.

Нагадаем, Расея на пасяджэнні Рады бяспекі Арганізацыі Аб'яднаных Нацый ўжыла вета на рэзалюцыю для стварэння міжнароднага трыбунала ў расследаванні паводле факта збівання самалёта малайзійскіх авіяліній «Боінг-777» рэйса MH17 над тэрыторыяй Украіны 17 ліпеня 2014 года і гібелі 298 чалавек.

Асацыяцыя дзяржаў Паўднёва-Усходняй Азіі (АСЕАН) - палітычная, эканамічная і культурная рэгіянальная міжурадавая арганізацыя краін, размешчаных у Паўднёва-Усходняй Азіі. АСЕАН была ўтвораная 8 жніўня 1967 г у Бангкоку адначасова з падпісаннем «Дэкларацыі АСЕАН», больш вядомай як «бангкокская дэкларацыя». Дамоўнае афармленне АСЕАН адбылося толькі ў 1976 годзе шляхам падпісання на выспе Балі дамовы аб сяброўстве і супрацоўніцтве ў Паўднёва-Усходняй Азіі і Дэкларацыі згоды АСЕАН.

Найвышэйшым органам АСЕАН з'яўляецца саміт лідараў (кіраўнікоў дзяржаў і ўрадаў) краін-чальцоў, які, пачынаючы з 2001 года, праходзіць штогод.

Напісаць каментар

Таксама сачыце за акаўнтамі Charter97.org у сацыяльных сетках