Незалежнасць Каталоніі зноў вынеслі на галасаванне

У гішпанскай Каталоніі ў нядзелю, 27 верасня, пачаліся выбары ў мясцовы парламент.

Хоць фактычна гаворка ідзе аб абранні дэпутатаў, нацыяналістычныя партыі абвясцілі гэтыя выбары новым плебісцытам у пытанні незалежнасці рэгіёну, паведамляе Lenta.ru са спасылкай на BBC.

Дзеля перамогі дзве сепаратысцкія партыі - Кіроўная партыя CDC, якую ўзначальвае Артурам Масом, і левая ERC - выставілі адзіны спіс кандыдатаў. Сваім перадвыбарным лозунгам яны зрабілі «Разам - за незалежнасць». Партыі мяркуюць, што, аб'яднаўшыся, яны змогуць атрымаць не менш за 68 крэслаў у 135-мясцовым парламенце. Такі вынік дазволіць ім запусціць «працэс набыцця незалежнасці»: сфармаваць урад і змяніць заканадаўства. Згодна з разлікамі сепаратыстаў, ужо праз 18 месяцаў Каталонія зможа стаць суверэннай дзяржавай.

Каталонія - квітнеючы рэгіён Гішпаніі. На гэтую аўтаномію прыпадае прыкладна пятая частка ВУП краіны. Мясцовыя сепаратысты ўпэўненыя, што пасля разводу з Мадрыдам узровень жыцця ў рэгіёне паднімецца, бо падаткі не будуць сыходзіць на федэральны ўзровень. У лістападзе 2014-га ў Каталоніі прайшоў рэферэндум, 80 адсоткаў удзельнікаў якога выказаліся за незалежнасць.

У сваю чаргу, Мадрыд неаднаразова заяўляў, што такія рэферэндумы юрыдычнай сілы не маюць, бо пастанову аб выхадзе таго ці іншага рэгіёну са складу дзяржавы павінны прымаць не толькі яго жыхары, а грамадзяне ўсёй Гішпаніі. Акрамя таго, крытыкі ідэі ператварэння Каталоніі ў самастойную дзяржаву паказваюць на тое, што Барселоне давядзецца сутыкнуцца з шэрагам складанасцяў. Дабрабыт Каталоніі залежыць ад унутрыдзяржаўных эканамічных сувязяў рэгіёну. Да 70 адсоткаў прадукцыі, вырабленай у аўтаноміі, рэалізуецца на ўнутраным рынку Гішпаніі. У выпадку аддзялення Каталоніі магчымы масавы зыход гішпанскіх кампаній, чые штаб-кватэры цяпер знаходзяцца ў Барселоне. Марскія перавозкі можа перахапіць Валенсія. Таксама Каталонія не будзе аўтаматычна ўключаная ў склад Еўразвязу, што ўскладніць яе эканамічнае ўзаемадзеянне з краінамі ЕЗ.