Енс Столтэнбэрг: NATO вяртаецца ў Еўропу для стрымлівання агрэсіі

Асноўнай задачай Паўночнаатлантычнага альянсу цягам апошніх 40 гадоў была распрацоўка і ажыццяўленне стратэгіі вайсковага стрымлівання на тэрыторыі Еўропы.

Зараз настаў час, калі гэтыя праекты прыходзіцца раскансерваваць. Пра гэта ў інтэрв'ю выданню The Wall Street Journal распавёў генеральны сакратар NATO Енс Столтэнбэрг, піша «Лiга.нет».

«Сорак гадоў галоўнай мэтай NATO было забеспячэнне стрымлівання ў Еўропе. Халодная вайна скончылася, абрынуўся Берлінскі мур, і замест таго, каб выйсці з гэтага ўсяго, мы змянілі тэрыторыю ўплыву (з Еўропы на Афганістан). А цяпер мы вяртаемся», - сказаў ён .

Генеральны сакратар Альянсу вітае пастанову Белага дома аб размяшчэнні цяжкага ўзбраенняў на еўрапейскіх базах.

«Што нам трэба ў Еўропе, так гэта больш цяжкія і забяспечаныя па апошнім слове вайсковай справы войскі для калектыўнай бяспекі, а таксама магчымасці для правядзення больш дарагіх і магутных аперацый, чым гэта было ў Афганістане», - адзначыў Столтэнбэрг.

На думку генеральнага сакратара NATO, няхай цяпер падраздзялення Альянсу і не выкарыстоўваюцца на еўрапейскай тэрыторыі, яны ўсё ж «вельмі важныя для стрымлівання».

«Яно (стрымліванне, - рэд.) працуе, калі гаворка ідзе пра ўзровень дзяржаў. У выпадку недзяржаўных гульцоў стрымліванне выкарыстоўваць больш цяжка», - растлумачыў ён.