Расейскі рубель зноў упаў услед за нафтай

Курс даляра да расейскага рубля на Маскоўскай біржы пасля зніжэння на адкрыцці таргоў у панядзелак зноў пайшоў уверх на фоне падзення коштаў нафты.

Да 13:20 паводле Масквы, курс даляра апускалі раніцай у панядзелак да 76,77 рубля, вырас да 79,11 рубля. Курс еўра, які таксама апусціўся на адкрыцці таргоў ніжэй за 83 рублі, дагэтуль перавысіў 85 рублёў, паведамляе руская служба BBC.

Рубель падае ў дачыненні да даляра і еўра на фоне паніжэння кошту нафты. На лонданскай біржы ICE барэль нафты маркі Brent патаннеў да 31,08 даляра, нафта WTI - да 31,28 даляра за барэль.

Пры гэтым Цэнтральны банк панізіў афіцыйны курс даляра на аўторак на 2,8 рубля да 77,8 рубля. Афіцыйны курс еўра склаў 84,2 рубля, што на 3,1 рубля ніжэй за папярэдняе значэнне. ЦБ устанаўлівае афіцыйны курс паводле вынікаў ранішніх таргоў.

Рэкорднае абрынанне рубля адбылося ў мінулы чацвер: тады Цэнтрабанк павысіў афіцыйныя курсы даляра і еўра адразу на 4 рублі. Даляр таргаваўся на ўзроўні 84 рублёў, а еўра - 92 рублёў. У пятніцу рубель кампенсаваў частку страт на фоне росту коштаў нафты.

Многія экспэрты чакаюць далейшага паслаблення рубля. На іх думку, гэтая тэндэнцыя звязаная з дэфіцытам бюджэту, які можна кампенсаваць за кошт больш слабай валюты, а таксама з тэндэнцыяй паслаблення коштаў нафты.

Так, у Альфа-банку чакаюць, што пры кошце нафты 30 даляраў за барэль даляр будзе каштаваць прыблізна 80 рублёў. Аднак экспэрты не выключаюць магчымасці падзення коштаў да 20 даляраў за барэль, у гэтым выпадку, на іх думку, даляр будзе каштаваць 90-95 рублёў.

Кіраўнік мінэканамразвіцця Расеі Аляксей Улюкаеў прадказаў рост коштаў нафты ў найбліжэйшыя тыдні. З аналагічным прагнозам выступіла кіраўніца Міжнароднага валютнага фонду Крысцін Лагард.