Крэйг Вудкрафт: На наступны матч выйдуць тыя, хто будзе сапраўды галодны да гульні

Галоўны трэнер менскага «Дынама» паабяцаў змяніць склад каманды.

Галоўны трэнер менскага «Дынама» Крэйг Вудкрафт пракаментаваў pressball.by паразу ад «Спартака» (1:5) у матчы рэгулярнага чэмпіянату КХЛ.

- Паўтару, тое, што ўжо не раз казаў: матчы супраць спборнікаў з нашай канферэнцыі і дывізіёна важныя ўдвая. На выездзе мы выступілі не надта ўдала, так што матывацыі сёння было звышдастаткова. Стартавалі нядрэнна, але не змаглі рэалізаваць большасць. Менавіта тады і ўпусцілі шанец узяць гульню ў свае рукі. У другім і трэцім перыядах глядзеліся блякла. Думаю, нам не дала магчымасці перамагчы менавіта праца нашых спецбрыгад.

- Паводле адчування гэты матч горшы ў сезоне...

- Пагаджуся з гэтым.

- Са свістам заўзятараў у канцы матчу таксама згодныя?

- Свістаць ці не - выбар і прэрагатыва заўзятараў. Мы, як і яны, вядома незадаволеныя сваёй працай. Дома трэба ладзіць гледачам шоў, сёння ў нас гэта вызначана не атрымалася. І прычын для незадаволенасці было дастаткова.

- Што трэба зрабіць у чацвер, каб пятніца была лепшай за сераду?

- Для пачатку - унесці некаторыя змены ў склад. І быць больш галоднымі да гульні. На наступны матч на лёд выйдуць тыя, хто будзе сапраўды галодным: змагацца адчайна і самааддана ў кожным эпізодзе. Галоўнае ў такой сітуацыі - праца і дысцыпліна. Абмяркуем сённяшнюю гульню і прыступім да выпраўлення памылак. Мы ж ведалі, як справіцца са «Спартаком». Але так і не здолелі гэтага зрабіць.

- Гэта значыць гульцы былі не галоднымі?

- Скажам так: недастаткова галоднымі.