Капітан «Дынама-Брэст»: Мы здатныя заваяваць не толькі Беларусь, але і Еўропу

Аляксандр Дзямешка мяркуе, што дзякуючы заўзятарам клуб здольны заявіць пра сябе ў Еўропе.

- Ты заўсёды на пазітыве. Што можа вывесці цябе з раўнавагі?

- Ну тут ты дакладна заўважыла, я пазітыўны чалавек! І імкнуся заставацца ім ва ўсіх сітуацыях. Як гаворыцца, што ні робіцца - усё да лепшага. На жаль, на тварах нашых людзей не так часта ўбачыш усмешку, бо для таго, каб змяніць нешта да лепшага, часам для пачатку варта проста ўсміхнуцца. Так, я разумею, што цяпер не самы просты час, але хочацца, каб кожны быў дабрэйшы, больш ветлівы, сам гэты факт зробіць жыццё больш пазітыўным і прыемным. А з раўнавагі мяне вывесці можна, але гэта асабістае і пра гэта ведаюць толькі блізкія: бацькі і мая дзяўчына. Напэўна, ёй, як нікому вядома, як гэта можна зрабіць.

- У чым пераважнае адрозненне «Дынама-Брэст» перад іншымі камандамі?

- Ні ў кога, паўтаруся, ні ў каго няма такіх заўзятараў, як у нас! Я ўпэўнены, што ў гэтым плане мы безумоўныя лідары! І самае галоўнае, што з кожным днём наша грамада прырастае новымі паплечнікамі. А ў такім складзе камандзе пад сілу заваяваць не толькі Беларусь, але і Еўропу, - цытуе Дзямешка афіцыйны сайт берасцейскага «Дынама».