Расейскія вайсковыя караблі заўважылі пры перасячэнні Ла-Манша
58- 21.10.2016, 20:36
- 30,356
Вайсковыя караблі са знішчальнікамі-бамбавікамі на борце праходзяць праз Ла-Манш у кірунку Сірыі.
Група расейскіх вайсковых караблёў была заўважаная ў пратоцы Ла-Манш на шляху ў Сірыю.
Пра гэта паведамляе «Радыё Свабода» са спасылкай на тэлеканал BBC.
Авіяносцы ідуць уздоўж узбярэжжа Вялікабрытаніі пад наглядам караблёў краін NATO і амерыканскіх вайсковых самалётаў. На відэазапісе, зробленым з верталёта, можна разгледзець два знішчальнікі, размешчаных на палубе авіяносца «Адмірал Кузняцоў».
На гэтым тыдні прадстаўнік NATO паведаміў пра найбуйнейшае з заканчэння халоднай вайны разгортванне расейскіх караблёў. Групоўка накіроўваецца ў Міжземнае мора. Паўночнаатлантычны звяз мяркуе, што авіяносцы выкарыстоўваюцца для перавозкі знішчальнікаў, якія Расея можа выкарыстаць у бамбаваннях сірыйскага горада Алепа.
Российские военные корабли с истребителями-бомбардировщиками на борту проходят через Ла-Манш в направлении Сирии. pic.twitter.com/vrLO9o8BvO
— Радио Свобода (@SvobodaRadio) 21 октября 2016 г.