Pokemon Go зарабіла $600 мільёнаў за 90 дзён

Гэта першая гульня ў гісторыі мабільных гульняў, якой удалося зарабіць такую суму так хутка.

Pokemon Go - першая гульня ў гісторыі мабільных гульняў, якой удалося зарабіць $600 мільёнаў за 90 дзён, піша dev.by.

Тэмпы росту гульні Pokemon Go запавольваюцца, але па-ранейшаму застаюцца высокімі. Паводле справаздачы App Annie, выдавец гульні Niantic Labs зарабіў больш за $600 мільёнаў у перыяд з ліпеня да верасня. Для параўнання, Candy Crash Saga дасягнула такога ж прыбытку за 200 дзён, Puzzle&Dragons - за 400, а Clash of Clans і зусім «важдаліся» больш за 500 дзён.

Паводле іншых паказчыкаў, акрамя даходаў, гульня таксама адчувальна адрозніваецца ад калегаў па рынку. Напрыклад, час, праведзены карыстальнікамі Android у Pokemon Go, практычна роўны сукупнаму часу, выдаткаванаму гульцамі на 19 лідзіруюшчых па гульнявому часу праектаў.

Pokemon Go атрымалася дасягнуць такога гульнявога часу ў першую чаргу за кошт канвертавання значнай часткі «немабільнага часу» гульцоў у «мабільнае». Такім чынам, карыстальнікі не адмаўляліся ад іншых гульняў і прыкладанняў, а проста праводзілі значна больш часу ў новай гульні. Безумоўна, гэта было б немагчыма без ўдалага сумяшчэння дапоўненай рэальнасці з вядомым дзесяцігоддзямі брэндам.

Нават цяпер, калі папулярнасць гульні паступова спадае, гульцы па-ранейшаму праводзяць вялізную колькасць часу ў Pokemin Go, асабліва ў параўнанні з іншымі гульнямі.