У Задорнава здарыўся прыступ на канцэрце ў Маскве

Пісьменнік-сатырык Міхаіл Задорнаў шпіталізаваны ў Маскве.

Пра гэта ў нядзелю, 23 кастрычніка, паведамляе РІА «Новости».

«Выязджала брыгада ўчора, 22-га. Выклік абслужылі, дастаўлены ў лякарню», - распавялі агенцтву ў даведачнай службе хуткай дапамогі.

У Задорнава здарыўся эпілептычны прыпадак наўпрост падчас выступу на сцэне ДК «Мерыдыян», паведамляе Lenta.ru.

У пачатку кастрычніка паведамлялася, што сатырык хворы на рак і вымушаны скасаваць праў хіміятэрапію частку канцэртаў - перш за ўсё, тыя, якія патрабуюць доўгіх пералётаў.

Распавядаць пра свае праблемы са здароўем падрабязней 68-гадовы Задорнаў адмовіўся, каб не прыцягваць залішнюю ўвагу СМІ.

Задорнаў пачаў публікаваць гумарыстычныя апавяданні ў 1974 годзе, пазней стаў пісаць маналогі для эстрадных артыстаў, з канца 1980-х пачаў сам выконваць свае творы са сцэны. Сыграў некалькі роляў у кіно.