Выбеглая на дарогу вавёрка стала прычынай cур'ёзнай аварыі ў Кіеве
2- 23.10.2016, 21:05
- 10,601
На вуліцы Кіёта ў Кіеве сутыкнуліся два аўтамабілі, адзін з якіх перакуліўся.
Пра гэта піша «Сегодня».
Паводле словаў уладальнікаў пацярпелых машынаў, ДТЗ адбылося праз вавёрку, якая раптоўна выбегла на праезную частку.
Каб яе не зачапіць, адзін з кіроўцаў здзейсніў небяспечны манеўр, праз гэта адбылося сутыкненне.
Паліцыянты прыбылі на месца, склалі адміністрацыйныя пратаколы і прынялі меры для эвакуацыі пашкоджаных аўто.
На шчасце, у ДТЗ ніхто не пацярпеў.