Заўтра ў Беларусі пацяплее да +13

Раніцай і ўдзень на паўночным захадзе Беларусі прагназуюцца моцныя ападкі.

Аранжавы ўзровень небяспекі аб'яўлены ў Беларусі 25 кастрычніка праз моцны вецер, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды, паведамляе БелТА.

Вецер чакаецца паўднёва-ўсходні 6-11 м/с, у многіх раёнах з парывамі да 15-18 м/с. Будзе воблачна. На большай частцы тэрыторыі пройдуць дажджы. У асобных раёнах чакаецца мокры снег. Раніцай і ўдзень на паўночным захадзе Беларусі прагназуюцца моцныя ападкі.

Тэмпература паветра складзе ўначы ад мінус 1 да плюс 4 градусаў, удзень - ад 1 да 7 градусаў са знакам плюс. У паўднёва-заходніх раёнах Беларусі ўначы чакаецца 5-8 градусаў вышэй за нуль, удзень будзе плюс 8-13 градусаў.