Белстат нарэшце прызнаў падзенне заробкаў у краіне

Сярэдні вераснёўскі заробак склала амаль 377 даляраў.

Сярэдні заробак у Беларусі ў верасні склаў 732,9 рубля, паведамляе tut.by са спасылкай на Белстат.

У параўнанні са жніўнем ён упала на 17,4 рубля.

Нагадаем, да гэтага, паводле Белстату, апошні раз сярэдні заробак у Беларусі падаў у красавіку.

Вераснёўскі заробак сярэдняга беларуса ў пераліку на даляры сярэднеўзважаным курсам Нацбанку склаў амаль 377 даляраў.

Нагадаем, у жніўні ён быў на 6 даляраў большы.

Заробак рабочых і службоўцаў у верасні склаў 734,8 рубля. Гэта на 17 рублёў менш, чым у жніўні.

Намінальны налічаны сярэднямесячны заробак уключае падаходны падатак і абавязковы страхавы ўнёсак працаўніка. Унёсак працадаўцаў на сацыяльнае страхаванне работнікаў не ўключаюцца ў сярэдні заробак.

Сярэдні заробак вызначаецца спецыялістамі Белстата дзяленнем налічанага работнікам арганізацыі фонду заробку, уключаючы падаходны падатак і абавязковы страхавы ўнёсак работніка, за справаздачны перыяд на колькасць работнікаў арганізацыі і на колькасць месяцаў у перыядзе.

Нагадаем, сайт charter97.org праводзіў апытанне сярод сваіх чытачоў. Большасць прызнала, што лічбы, агучаныя Белстатам, не адпавядаюць рэчаіснасці.