Студэнт з Гародні рассмяшыў украінскіх комікаў і здабыў $780
5- 25.10.2016, 21:17
- 9,494
Алег Канапацкі не плануе спыняцца і ўжо рыхтуецца да супэр-гульні тэлешоў «Насмяшы коміка».
Алег Канапацкі вучыцца ў Гарадзенскім медыцынскім універсітэце. Доўгі час ён гуляў у КВН.
У жніўні хлопец ездзіў на ўкраінскае тэлешоў «Насмяшы коміка». Выступ быў удалым - Алег развесяліў суддзяў і здабыў 20 тысяч грыўняў (1480 рублёў), піша «Белсат».
Выданне праграмы з удзелам Алега выйшла ў эфір 24 кастрычніка. На гэтым студэнт не плануе спыняцца і ўжо рыхтуецца да супэр-гульні, якая адбудзецца праз месяц. Там ён зможа здабыць 50 тысяч грыўняў.
Гэта не першы беларус, які ўдзельнічае ва ўкраінскім шоу. Не так даўно амаль $2000 здабыў хлопец з Наваполацка.