Пуцін павялічыў колькасць аўтамабіляў з мігалкамі для Дзярждумы

Чатыры гады таму кіраўніцтву Думы было дазволена выкарыстоўваць восем мігалак, зараз іх колькасць павялічана да 12.

Прэзідэнт Расеі Уладзімір Пуцін сваім указам павялічыў лік выдзеленых Дзяржаўнай думе дазволаў на ўстаноўку «прылад для падачы спецыяльных светлавых і гукавых сігналаў», вядомых у прастамоўі як мігалка, піша РБК.

У адпаведнасці з дакументам, апублікаваным сёння на партале прававой інфармацыі, такія мігалкі з гэтага часу дазволена размяшчаць не на васьмі, а на 12 аўтамабілях Думы.

У адпаведнасці з выпушчаным яшчэ ў 2012 годзе ўказам, выдзеленыя высокапастаўленым чыноўнікам мігалкі дазволена ўсталёўваць на аўтамабілі, якія абслугоўваюць «асоб, для якіх прадугледжаная дзяржаўная ахова, і асоб, у дачыненні да якіх прынятыя меры дзяржаўнай абароны».

Права выбару канкрэтнага аўтамабіля, на які можна паставіць мігалку, замацавана за кіраўніком таго дзяржоргану, якому выдзелена квота. Такім чынам, вырашаць каму менавіта дастануцца чатыры дадатковыя мігалкі Дзярждумы, будзе яе старшыня Вячаслаў Валодзін.