Прэзідэнцкая гонка ў ЗША: Клінтан у лідарах у Пенсільваніі з перавагай 7%

Апублікаваныя звесткі апытання аб сітуацыі ў адным з ключавых штатаў ЗША.

Калі ў Дональда Трампа і ёсць шанец перамагчы дзякуючы вялікай перазе сярод белых прадстаўнікоў працоўнага класа, яму не абысціся без Пенсільваніі - штата, дзе пераважае менавіта гэты сэгмент электарату і амаль няма выбарцаў-лацінаамерыканцаў.

Аднак, як паказала апублікаванае ў чацвер апытанне New York Times Upshot і каледжа Сіена, у Пенсільваніі ў Трамп па-ранейшаму мала шанцаў: Гілары Клінтан апярэджвае яго з перавагай 7 адсоткаў, 46 супраць 39.

Адчайная барацьба за Пенсільванію ўжо стала традыцыяй для рэспубліканцаў. Дэмакраты перамагалі ў гэтым штаце на шасці апошніх прэзідэнцкіх выбарах запар, хоць і з нязначнай перавагай. Яшчэ большае значэнне гэты штат набыў у святле таго, што такія штаты як Вірджынія і Каларада, раней лічыліся рэспубліканскімі, перакінулася да дэмакратаў, перадае «Голас Амерыкі»..

У апошнія тыдні Трамп стаў сцвярджаць, што выбары могуць быць сфальсіфікаваныя за кошт махінацый у Філадэльфіі. Ніякага пацверджання сваіх слоў ён не даў, аднак апытанне паказвае, што дэмакраты могуць зноў атрымаць гучную перамогу ў гэтым горадзе. Клінтан наперадзе там з перавагай 77 адсоткаў супраць 9.

Дзякуючы сваёй папулярнасці сярод афраамерыканцаў Клінтан можа атрымаць аднагалосную падтрымку на некаторых выбарчых участках у заходняй і паўночнай часткі Філадэльфіі. Ніводзін з афраамерыканцаў, якія бралі ўдзел у апытанні, не падтрымаў Трампа.

Пры гэтым у Трампа ёсць адна перавага: яго пазіцыі моцныя сярод выбарцаў, якія рэгулярна ходзяць на выбары. Зрэшты, прыхільнікі Клінтан з не меншай упэўненасцю сцвярджаюць, што збіраюцца ісці на выбары, нават калі не рабілі гэтага раней. Яна на 18 адсоткаў апярэджвае Трампа сярод выбарцаў, якiя не галасавалі ў 2012 годзе, і на 16 адсоткаў - сярод нядаўна зарэгістраваных выбарцаў. Гэта збольшага абумоўлена тым, што ў гэтым сэгменце пераважаюць маладыя жыхары буйных гарадоў, таму нават у штаце, дзе большасць выбарцаў - белыя людзі старэйшага ўзросту, дэмаграфічныя тэндэнцыі гуляюць на карысць дэмакратаў.

Паводле апытання тэлеканала АBC, Гілары Клінтан апярэджвае Дональда Трампа на 12 адсоткаў..

Два тыдні таму разрыў быў усяго 4%.