У Літве знізіўся ўзровень беспрацоўя

Для параўнання: у Беларусі паказчыкі беспрацоўя б'юць усе рэкорды за апошнія 10 гадоў.

Паводле звестак Літоўскай біржы працы на 1 кастрычніка 2016 года, у Літве было 7,2% зарэгістраваных беспрацоўных, гэта на 0,9% менш, чым год таму, піша delfi.lt.

Працадаўцам паслугі аказвае каманда спецыялістаў, якія ідэнтыфікуюць патрэбы кампаній і прапануюць дапамогу ў забеспячэнні патрэбнымі работнікамі.

У адпаведнасці з новай мадэллю адмовіліся ад наведвання, неабходнага для рэгістрацыі кліента.

Магчымасці працаўладкавання ацэньваюцца з самага першага візіту - людзей, якія шукаюць працу, і абслугоўвае адзін і той жа спецыяліст, які ацэньвае досвед, магчымасць працаўладкавання, кампетэнтнасць і попыт на спецыяліста і іншыя сацыяльныя фактары, якія ўплываюць на магчымасць працаўладкавання, прапануе план працаўладкавання. Да гэтага падчас першага візіту на біржы працы толькі фіксавалі асноўныя факты, неабходныя для выдавання статусу беспрацоўнага.

Пры гэтым беспрацоўе ў Беларусі б'е рэкорды. Цяперашні попыт на працоўную сілу - самы нізкі з 2004 года. Нават у 2009-м, на фоне сусветнага эканамічнага крызісу, калі ў Беларусі назіраўся спад прамысловай вытворчасці, узровень заяўленых вакансій быў вышэйшы - іх колькасць складала 34,5 тыс. Тым не менш афіцыйная статыстыка працягвае хлусіць пра сапраўдны стан эканомікі.