Фотафакт: У Дзяржынскім раёне рэканструявалі коннае паляванне з сабакамі XIX стагоддзя

Конная паляванне з паляўнічымі сабакамі доўгія гады было ўлюбёным заняткам вышэйшых саслоўяў Еўропы.

Энтузіясты і аматары гісторыі сабраліся ў суботу, 5 лістапада, каля вёскі Піоніна ў Дзяржынскім раёне, каб рэканструяваць коннае паляванне, якое была так распаўсюджанае на нашых землях у XIX стагоддзі. Блізу двух дзясяткаў коннікаў ў прыгожых уборах, на грацыёзных конях і з паляўнічымі сабакамі праносіліся па заснежаным полі перад прысутнымі фатографамі. Падчас рэканструкцыі ніводная жывёліна не пацярпела, tut.by.

Коннае паляванне з сабакамі доўгія гады была ўлюбёным заняткам вышэйшых саслоўяў Еўропы. У змененым выглядзе, — як правіла, у форме розных сабачых забегаў — гэтая старажытная забава папулярная дагэтуль, а ў некаторых краінах, напрыклад, у Гішпаніі, існуе і сапраўднае паляванне з сабакамі. Але яго залатыя часы засталіся ў мінулым, побач з рыцарскімі турнірамі і арыстакратычнымі балямі. Аднак калі рэканструктарскія мерапрыемствы ў бальнай і вайсковай культуры розных эпох — ад ранняга Сярэднявечча да Другой сусветнай вайны — у Беларусі праходзяць рэгулярна і ў мностве, то маштабная (два дзясяткі коннікаў, дзясятак прафесійных сабачнікаў) рэканструкцыя палявання XIX стагоддзя ў нас праводзіцца ўпершыню.

Са словаў арганізатара, гістарычнага рэканструктара і конніка-берэйтара Галіны Баслык, мэта рэканструкцыі — гэта ў першую чаргу адраджэнне цікавых і яскравых гістарычных традыцый, стасункі з сябрамі-аднадумцамі і проста магчымасць хаця б на дзень вырвацца на волю з шэрага, перапоўненага гаджэтамі горада, надзець прыгожы гістарычны строй, сесці на каня і акунуцца ў мінулае — з ветрам у бязмежным полі і азартам пагоні.