СМІ даведаліся пра новыя кадравыя прызначэнні Трампа
- 4.12.2016, 13:15
- 24,815
Абраны прэзідэнт ЗША разгледзеў яшчэ адную кандыдатуру на пасаду дзяржсакратара.
У лік магчымых прэтэндэнтаў на пасаду дзяржсакратара ЗША ў адміністрацыю абранага прэзідэнта Дональда Трампа ўвайшоў былы губернатар штата Юта рэспубліканец Джон Ханцмэн. Аб гэтым піша The Salt Lake Tribune (пераклад – lenta.ru).
Са слоў дзвюх асоб, блізкіх да пераходнай адміністрацыі, Трамп пашырыў спіс, які складаўся з былога мэра Нью-Ёрка Рудольфа Джуліяні і былога кандыдата на пасаду прэзідэнта ЗША ад Рэспубліканскай партыі Міта Ромні.
Сярод іншых разглядаецца кандыдатура Хацмэна, а таксама былога дырэктара ЦРУ Дэвіда Пятрэўса.
Вядома, што Ханцмэн раней працаваў паслом у Кітаі і валодае кітайскай мовай.
18 лістапада стала вядома, што Трамп вызначыўся з кандыдатурамі на ключавыя пасады ў сваёй адміністрацыі. Так, генеральным пракурорам стане сэнатар ад штата Алабама Джэфа Сэшнса, пасада дырэктара ЦРУ прапанаваная кангрэсмэну ад Канзаса Майку Пампеа.
Пад пытаннем застаюцца пасады дзяржсакратара і міністра абароны. Раней СМІ паведамлялі, што Дзярждэпартамэнт можа ўзначаліць Ромні, Джуліяні, губернатарка штата Паўднёвая Караліна Ніккі Хэйлі, былы сталы прадстаўнік ЗША пры ААН Джон Болтан.
1 снежня Трамп паабяцаў, што Пентагон узначаліць адстаўны генерал Корпуса марской пяхоты Джэймс Маціс.
Прэзідэнцкія выбары ў Злучаных Штатах прайшлі 8 лістапада, перамогу атрымаў кандыдат ад Рэспубліканскай партыі Дональд Трамп. Афіцыйна ён уступіць на пасаду пасля інаўгурацыі 20 студзеня 2017 года.