Брытанец пераплывае Атлантыку

Брытанец Бэн Хупер за першыя 18 дзён пераадолеў амаль 124 кіламетры.

Выданне Daily Mail адзначае, што такімі тэмпамі ён дабярэцца да мэты не раней за 2018 год (пераклад – lenta.ru).

38-гадовы мужчына, які ў мінулым працаваў паліцыянтам у графстве Глостэршыр, пачаў заплыў 13 лістапада ў Сенегале. Як паведамляе The Guardian, ён плануе праводзіць у вадзе 10 гадзін на дзень і да сакавіка дасягнуць бразільскага горада Натал. У дарозе яго суправаджае судна, на борце якога знаходзяцца 10 чалавек, у тым ліку прадстаўнік Кнігі рэкордаў Гінэса.

Хупер патлумачыў затрымку неспадзяванымі цяжкасцямі. Спецыяльныя рэпеленты, якімі ён разлічваў адпужваць медуз, не дзейнічаюць. Вакол плаваюць акулы, а вялікія хвалі ўвесь час перакульваюць плыўца. Да ўсяго яму ў вуха забралася рыба сямейства пегасавых.

«Медузы ўвесь час джаляць мяне, і мы двойчы бачылі акул», — напісаў Хупер у Facebook. Ён таксама запэўніў чытачоў, што ні ён, ні ягоная каманда не ўжывалі алкаголь падчас экспедыцыі.

Першым плыўцом, які пераплыў Атлантычны акіян, стаў француз Бенуа Лекомт (Benoit Lecomte). У 1988 годзе ён за 73 дні праплыў з штата Масачусэтс у ЗША ў Францыю. Кніга рэкордаў Гінэса не залічыла рэкорд, бо праз марскую хваробу плывец правёў тыдзень на Азорскіх выспах.