Беларускі трэнер узначаліць кіеўскае «Дынама»
- 5.12.2016, 17:39
- 21,270
У найбліжэйшы час бакі павінны канчаткова ўзгадніць дэталі і падпісаць кантракт.
Наступным галоўным трэнерам кіеўскага «Дынама» стане былы трэнер «Краснадара» Алег Конанаў. Ён заменіць на гэтай пасадзе Сяргея Раброва, паведамляе «Прессбол».
Кіраўніцтва «Дынама» плануе ў найбліжэйшы час адправіць Раброва ў адстаўку. Галоўным трэнерам замест яго стане Конанаў. У найбліжэйшы час бакі павінны канчаткова ўзгадніць дэталі і падпісаць кантракт.
Алег Конанаў пакінуў «Краснадар» 13 верасня гэтага года. Яго змяніў Ігар Шалімаў.
Кіеўскае «Дынама» цяпер займае другі радок у турнірнай табліцы чэмпіянату Украіны, адстаючы ад «Шахцёра» на дзесяць балаў.
