З 11 снежня ўводзіцца новы графік руху цягнікоў
3- 7.12.2016, 9:34
- 32,308
БЧ рэкамендуе пасажырам загадзя планаваць свае паездкі.
Беларуская чыгунка з 11 снежня ўводзіць новы графік руху цягнікоў на 2016/2017 гады, паведамілі ў прэс-службе БЧ.
«Беларуская чыгунка звяртае ўвагу пасажыраў, што з 00.00 11 снежня 2016 года на дарогах краін СНД уводзіцца графік руху цягнікоў на 2016/2017 гады. У сувязі з гэтым часткова зменіцца графік руху асобных цягнікоў — у рэгіянальных, міжрэгіянальных, міжнародных злучэннях, а таксама цягнікоў гарадскіх ліній», — растлумачылі ў прэс-службе.
БЧ рэкамендуе пасажырам загадзя планаваць свае паездкі і быць уважлівымі пры афармленні праязных дакументаў. Больш падрабязна з актуальным раскладам руху цягнікоў можна азнаёміцца на сайце Беларускай чыгункі, у чыгуначных касах, а таксама праз тэлефон даведачных службаў.