Трамп: Для поспеху нашай вайсковай стратэгіі нам патрэбен правільны чалавек

Дональд Трамп афіцыйна высунуў «Шалёнага сабаку» Джэймса Мэціса на пасаду кіраўніка Пентагона.

Абраны прэзідэнт ЗША Дональд Трамп высунуў генерала Джэймса Мэціса на пасаду міністра абароны краіны, паведамляе korrespondent.net.

«Для поспеху нашай вайсковай стратэгіі нам патрэбен правільны чалавек, які будзе ўзначальваць міністэрства абароны. І таму сёння я рады абвясціць пра намер вылучыць на пасаду міністра абароны генерала Джэймса Мэціса», – заявіў ён, выступаючы ў штаце Паўночная Караліна.

Трамп назваў Мэціса адным з найбольш эфектыўных генералаў у ЗША за многія дзесяцігоддзі.

Мэцісу 66 гадоў. Ён служыў у Персідскім заліве, Афганістане і Іраку, заслужыў мянушку «Шалёны сабака» за непрымірымае стаўленне да ісламскіх экстрэмістаў.

Пасля выхаду ў адстаўку Мэціс займаўся навуковай дзейнасцю, уваходзіў у раду дырэктараў абароннай кампаніі General Dynamics, удзельнічаў у працы шэрагу няўрадавых арганізацый у справах узброеных сіл.

Кандыдатуры на пасаду міністраў павінны быць зацверджаныя Сенатам. Аднак у выпадку з Мэцісам неабходны дадатковы дазвол Верхняй палаты Кангрэса, бо ён знаходзіцца ў адстаўцы толькі тры гады замест патрэбных сямі, каб заняць пасаду міністра абароны.