28 сакавiка 2024, Чацвер, 12:23
Падтрымайце
сайт
Сім сім,
Хартыя 97!
Рубрыкі

Мікіта Камароў: Сапраўдны патрыёт - той, хто са сваёй Радзімай і ў горы, і ў радасці

5
Мікіта Камароў: Сапраўдны патрыёт - той, хто са сваёй Радзімай і ў горы, і ў радасці
Мікіта Камароў
ФОТА: PRESSBALL.BY

Форвард менскага "Дынама" Мікіта Камароў распавёў, каго ўважае за сапраўднага патрыёта сваёй Радзімы.

Пра гэта паведамляе budzma.org.

"А як нармальны чалавек павінен ставіцца да сваіх традыцый? Вядома, з павагай. У школе ўсе мае думкі, вольны час былі прысвечаныя спорту, таму, шчыра кажучы, я мала што памятаю з заняткаў гісторыі Беларусі... Тым не менш, я ганаруся сваімі продкамі. і дзядуля, і бацька ў мяне з рабочых. Яны сапраўдныя мужчыны - майстры на ўсе рукі.

Сапраўдны патрыёт - гэта той, хто са сваёй Радзімай і ў горы, і ў радасці. Цяжка заставацца беларусам і прыносіць плён сваёй роднай краіне, жывучы недзе ў Парыжы або Сан-Францыска. Вядома, заўсёды ёсць выняткі. Але асабіста ў мяне большую павагу выклікаюць людзі, якія жывуць на сваёй зямлі. Як бы ім ні было часам складана і цяжка, яны цягнуць штодня гэты гуж, бо любяць сваю краіну і хочуць змяніць яе да лепшага", - распавёў Мікіта Камароў.

Напісаць каментар 5

Таксама сачыце за акаўнтамі Charter97.org у сацыяльных сетках