Расея ўзмацніла сваю групоўку акупацыйных войскаў у Крыме

Міністр абароны РФ Сяргей Шайгу паведаміў Уладзіміру Пуціну аб праверцы акупацыйных войскаў у Крыме.

Як перадае УНІАН, міністр абароны РФ Сяргей Шайгу падчас дакладу прэзідэнту РФ аб раптоўнай праверцы войскаў cказаў: «Войскі і сілы, якія ўдзельнічаюць у праверцы, перакінутыя на адлегласць да трох тысяч кіламетраў і выведзеныя на 18 палігонаў, узмоцненая групоўка войскаў у Крыме».

«Сілы авіяцыі і супрацьпаветранай абароны да адлюстравання масаванага авіяцыйнага ўдару ўмоўнага супраціўніка гатовыя. У раёнах дзеяння войскаў створаная сістэма кіравання, наладжанае матэрыяльна-тэхнічнае забеспячэнне, медыцынскае забеспячэнне з прыцягненнем адмабілізаваных падраздзяленняў. Праведзена іх баявое зладжванне», - сказаў Шайгу.

Паводле ягоных слоў, арганізаваная ахова і абарона інжынернага абсталявання месцаў размяшчэння войскаў. Праводзіцца рэкагнасцыроўка раёнаў будучых дзеянняў. Закончанае планаванне выкарыстанне войскаў і сіл паводле пастаўленых вучэбна-баявых задач. З 9 лютага войскі адпрацоўваюць практычныя задачы для лакалізацыі крызісных сітуацый, звязаных з правядзеннем тэрарыстычных актаў, захопам дзяржаўных і вайсковых аб'ектаў, разбурэннем гідратэхнічных збудаванняў.

Шайгу заявіў, што сёння пачаўся заключны этап раптоўнай праверкі, падчас якой ладзіцца 29 вучэнняў рознага ўзроўню. У гэты момант на палігоне Апук (Крым) праводзяцца асноўныя практычныя дзеянні.

«Падчас двухбаковага аператыўна-тактычнага вучэння злучэннямі і войскамі Чарнаморскага флоту і Паветрана-дэсантных войскаў адпрацоўваюцца пытанні абароны ўзбярэжжа і адлюстравання высадкі марскога дэсанту. Акрамя таго, сілы супрацьпаветранай абароны і знішчальная авіяцыя, якая дыслакуецца на тэрыторыі Крымскай федэральнай акругі, адлюстроўвае масаваны авіяцыйны ўдар умоўнага супраціўніка», - сказаў Шайгу.

У сваю чаргу начальніца Генштаба РФ Валерый Герасімаў паведаміў, што цягам трох дзён войскі і сілы, якія ўдзельнічаюць у раптоўнай праверцы, правялі комплекс мерапрыемстваў для прывядзення ў баявую гатоўнасць «поўная».

«Выканалі ўсе мерапрыемствы для падрыхтоўкі баявога выкарыстання, развязалі задачы для знішчэння незаконных узброеных фармаванняў, лакалізацыі крызісных сітуацый на тэрыторыі Паўднёвай і Паўночна-Каўказскай федэральнай акругі, адлюстравалі агрэсіі ўмоўнага супраціўніка», - сказаў ён.

Паводле ягоных слоў, у межах Паўднёвай вайсковай акругі для выканання вучэбна-баявых задач падчас вучэння прыцягнута да 8,5 тысячы чалавек асабовага складу, 900 адзінак вайсковай тэхнікі, 50 вайсковых караблёў і суднаў, да 200 самалётаў і верталётаў, што напоўніцу адпавядае параметрам Венскага дакумента 2011 года. У вызначаны час пасля ўздыму на трывогу злучэнні і вайсковыя часткі былі выведзеныя з пунктаў дыслакацыі ў прызначаныя раёны засяроджвання.