Экспарт нафтапрадуктаў з Беларусі скараціўся на $3 мільярды

Значна ўпаў у 2015 годзе і экспарт трактароў і грузавых аўтамабіляў.

Найбольшы прырост экспарту ў Беларусі ў 2015 годзе прыпаў на азотныя ўгнаенні, паведамілі БелТА ў Нацыянальным статыстычным камітэце. У параўнанні з 2014 годам найбольшы прырост вартасных аб'ёмаў экспарту прыпаў на азотныя ўгнаенні (прырост $93,6 мільёнаў даляраў), фарбы і лакі ($31,7 мільёнаў даляраў), драўніна-стружкавыя пліты ($29,8 млн), мінеральныя мяшаныя ўгнаенні ($29,7 млн).

Істотна скараціўся ў вартасным вымярэнні экспарт нафтапрадуктаў (змяншэнне на $3 млрд), сырой нафты (на $545 мільёнаў даляраў), трактароў і седлавых цягачоў (на $364,5 мільёнаў даляраў), грузавых аўтамабіляў (на $355,8 млн).

Што да імпарту, то больш за ўсё скараціліся ў вартасным вымярэнні пастаўкі нафты, уключаючы газавы кандэнсат (памяншэнне ў параўнанні з 2014 годам на $2 млрд), прыроднага газу (на $696,2 мільёнаў даляраў), легкавых аўтамабіляў (на $693,9 мільёнаў даляраў), машын і механічных прылад спецыяльнага прызначэння (на $240,6 мільёнаў даляраў), вылічальных машын для аўтаматычнай апрацоўкі інфармацыі (на $192,9 млн).

У 2015 годзе замежнагандлёвае абарачэнне тавараў Беларусі склала $57 млрд, у тым ліку экспарт - $26,7 млрд, імпарт - $30,3 млрд. Да ўзроўню 2014 года з разліку ў сённяшніх коштах абарачэнне замежнага гандлю таварамі склала 74,4%, экспарт - 74%, імпарт - 74,8%. У выніку 2015 года ў параўнанні з папярэднім годам экспарт тавараў у натуральным вымярэнні павялічыўся на 2,4%, імпарт - скараціўся на 11,3%. Пры гэтым сярэднія кошты экспарту знізіліся на 27,8%, імпарту - на 15,6%.