Лукашэнка зладзіў паказальную «лупцоўку» за рост паслуг ЖКГ

Дыктатар «абураны» сітуацыяй з тарыфамі на ЖКП.

Аляксандр Лукашэнка сёння, заслухоўваючы даклад аб падатковай і акцызнай палітыцы ў 2016 годзе, выказаў абурэнне з нагоды сітуацыі з тарыфамі на ЖКП, паведамляе БелТА.

Дыктатар азнаёміўся з сітуацыяй з коштам жыллёва-камунальных паслуг. «Мы накшталт там усё палічылі?» - нагадаў ён. Старшыня Камітэта дзяржкантролю Леанід Анфімаў канстатаваў, што неабходныя разлікі былі праведзеныя, але з прымяненнем на практыцы атрымалася з дакладнасцю ды наадварот, усё было зроблена, што называецца, «для адчэпнага».

«Значыць, надзеньце кайданкі тым, хто не выканаў даведзеныя па майму загаду тарыфы. Надзеньце і публічна пасадзіце дзесятак-іншы чалавек. Усё стане на свае месцы, - запатрабаваў дыктатар. - Тут павінен быць спіс, хто гэта «для адчэпнага» прыдумаў. Хопіць з імі жартаваць. Мы тут нешта лічым, плануем, а яны робяць усё па-свойму».

Акрамя таго, Аляксандр Лукашэнка даручыў, каб да 1 сакавіка старшыня КДК, кіраўнік адміністрацыі Лукашэнкі, прэм'ер-міністр прадставілі яму разлікі тарыфаў жыллёва-камунальных паслуг.

«Вываз смецця, асвятленне, ліфт, уборка, цеплавая энэргія, цёплая і халодная вада, газ, электраэнэргія - усё падлічыць і пакласці мне гэтыя тарыфы», - сказаў Лукашэнка. Ён падкрэсліў, што службовыя асобы, якія не дадуць рады з дадзенымі сёння даручэннямі, панясуць за гэта адказнасць.