«Цмокі-Мінск» у будучым сезоне згуляюць у Лізе чэмпіёнаў ФІБА

У дэбютным розыгрышы Лігі чэмпіёнаў павінны ўзяць удзел клубы з Гішпаніі, Турцыі, Грэцыі, Расеі, Італіі ды іншых краін.

Пра гэта charter97.org паведамілі

ў прэс-службе "Цмокі-Мінск".

Мужчынская каманда "Цмокі-Мінск" у наступным сезоне будзе ўдзельнічаць у Лізе чэмпіёнаў - новым турніры ФІБА, у якім арганізацыя бачыць паўнапраўнага канкурэнта Еўралігі.

Чэмпіён Беларусі пачне свой турнірны шлях з кваліфікацыйнага раўнда, які стартуе ў канцы верасня. Адпаведна другая кваліфікацыйная стадыя пройдзе 4 і 6 кастрычніка. Групавы раўнд (32 каманды будуць падзеленыя на 4 групы) пачнецца 20 кастрычніка.