МВФ адмовіўся крэдытаваць Беларусь
37- 18.04.2016, 16:22
- 13,357
Міжнародны валютны фонд патрабуе ад беларускіх уладаў большай прыхільнасці эканамічным пераўтварэнням і структурным рэформам.
Такая выснова вынікае з кароткага паведамлення прэс-службы МЗС РБ аб выніках удзелу беларускай дэлегацыі ў штогадовым пасяджэнні рады кіраўнікоў МВФ і Сусветнага банка 13-16 красавіка, паведамляе АФН.
Іншымі словамі, абавязанні, якія кіраўніцтва Беларусі гатовае ўзяць на сябе ў рамках рэфармавання, не задавальняюць МВФ.
"Бакі дамовіліся прадоўжыць узаемадзеянне для ацэнкі эканамічнай сітуацыі ў Рэспубліцы Беларусь і дапрацаваць умовы рэалізацыі новай праграмы МВФ для краіны", - гаворыцца ў паведамленні.
Беларуская дэлегацыя правяла сустрэчы з намеснікам дырэктара-распарадчыка МВФ Міцухіра Фурусава, дырэктарам Еўрапейскага дэпартамента МВФ Полам Томсенам, кіраўніком місіі МВФ у Беларусі Пітэрам Долманам.