Прыбытак "Яндэкса" значна зменшыўся праз курс рубля
4- 28.04.2016, 17:16
- 9,159
Чысты прыбытак расейскай інтэрнэт-кампаніі "Яндэкс" у параўнанні з першым кварталам 2016 года абрынуўся на 50%.
Свае страты праз падзенне рубля ў першым квартале кампанія ацэньвае ў 1,3 млрд рублёў (блізу 20 млн даляраў). Менавіта на дынаміку курсу рубля ў кампаніі спісваюць падзенне чыстага прыбытку на 50%, паведамляе BBC.
Астатнія фінансавыя паказчыкі за год падвысіліся. Прыбытак "Яндэкса" летась вырас на 34%, да 16,5 млрд рублёў ($243,7 млн даляраў), скарэктаваны паказчык EBITDA (прыбытак да выліку падаткаў) склаў 5,8 млрд рублёў (85,3 млн даляраў) і вырас на 62%.
"Яндэкс" па-ранейшаму застаецца лідарам сярод пошукавікаў у Расеі. Як вынікае са справаздачнасці, яго доля на рынку склала 57%, нязначна падняўшыся за мінулы год. Таксама пошукавік працуе ва Украіне, у Турцыі, у Беларусі і Казахстане. Крыніца 96% прыбытку - кантэкстная інтэрнэт-рэклама.